29 de marzo de 2020
 
Actualizado 02/05/2018 9:56:40 CET

La Xunta Xeneral entama esti miércoles un actu institucional pa celebrar la 39 Selmana de les Lletres Asturianes

Jornadas de puertas abiertas en la Junta General del Principado de Asturias JGPA
EUROPA PRESS - Archivo

UVIÉU, 2 May. (EUROPA PRESS) -

La Xunta Xeneral del Principáu d'Asturies entama esti miércoles, día 2 de mayu, un actu institucional col que'l parllamentu autonómicu súmase a los actos de celebración de la 39 Selmana de les Lletres Asturianes.

L'hemiciclu de la Cámara asturiana va acoyer a mediu cientu d'alumnos de Primaria de les escueles Buenavista I, d'Uviéu, y Villalegre, d'Avilés, que van participar en llectures de testos n'asturianu y gallego-asturianu.

Xunto los estudiantes ta prevista la intervención de miembros del Gobiernu del Principáu, como'l conseyeru d'Educación y Cultura, Genaro Alonso, y la conseyera de Servicios y Derechos Sociales, Pilar Varela; lo mesmo que de diputaos autonómicos y otres personalidaes de la cultura y sociedá asturianes.

Anguaño, la Selmana de les Lletres da protagonismu a la lliteratura infantil y xuvenil p'afalar el vezu de la llectura n'asturianu y gallego-asturianu ente los más mozos, según información de la Xunta Xeneral recoyida por Europa Press.