BILBO, 12 Nov. (EUROPA PRESS) -
Bilbao 700 Fundazioak antolatzen duen 365 Jazz Bilbao zikloak "amaiera bikaina" izango du bere zortzigarrren ekitaldian, China Moses abeslariak Bilbao Orkestra Sinfonikoarekin (BOS) batera eskainiko duen emanaldi bikoitzarekin. Hitzorduak azaroaren 19an eta 20an izango dira, Euskalduna jauregian, 19:30etik aurrera, eta Erik Nielsen izango da zuzendaria.
Antolatzaileek adierazi dutenez, Kaliforniako abeslariak "unibertso musikal propioa" sortu du bere eraginak (gospeletik soulera) jazz klasikoaren eta bluesaren zertzeladekin nahastuz. Sarritan agertzen da telebistan eta irratiko programetan eta nortasun handiko abeslaria da.
Estilo ugari menperatzen ditu eta nabarmentzekoa da estilo horietara egokitzeko daukan gaitasuna. Eszenaratze dotore eta zaindu batekin, artista estatubatuarrak abeslari klasikoak eta modernoak miresten dituela aitortu du.
Andalucía
