GASTEIZ, 18 Feb. (EUROPA PRESS) -
Josean Querejeta Saski Baskoniako presidenteak adierazi du Lamar Odom jokalari estatubatuarra fitxatu izana pentsatuta duen "taldea birsortzeko lehen neurria" dela, eta "datozen aste eta hilabeteetan" beste erabaki batzuk izango direla, talde gasteiztarrean sortu den "tristura kolektiboa hausteko".
"NBAtik ACBra eta Europako saskibaloi osora etorri den jokalari garrantzitsuenetako bat fitxatzearekin oso pozik gaude. Azken egunetan landu dugun kontratazioa izan da", adierazi du Querejetak taldearen webgunean.
"Azken boladan" talde arabarrean nagusitu den "tristura kolektiboa hausteko" beharra aipatu du Baskoniako presidenteak. Laboral Kutxa bederatzigarren postuan dago Endesa Ligan eta oso zail dauka Euroligan jarraitzea.
"Ilusioa sortu nahi dugu berriro, gure taldearen proiektuan berriro sinistu, eta hau da lehen neurria. Taldea birsortzera, talde berri batera eta lehiatzeko maila gorenean berriz kokatuko den taldea egitera eramango gaituzten beste erabaki batzuk hartuko ditugu datozen aste eta hilabeteetan. Azken urteetan izan ditugun lehiakortasuna eta ilusioa berreskuratuko ditugu", gaineratu du.
Andalucía
