O portal, dotado con preto de 21.000 euros, actúa como "punto de encontro" entre as científicas de diferentes áreas de traballo

SANTIAGO DE COMPOSTELA, 17 Abr. (EUROPA PRESS) -

Unha páxina web creada pola Xunta de Galicia, a través da Unidade da Muller e Ciencia, dá a coñecer e fará máis visible dende hoxe o traballo da muller galega no ámbito científico da investigación e innovación.

Na presentación deste proxecto, a secretaria xeral de Igualdade, Carme Adán, explicou que o portal retrata a situación da muller galega no campo científico ao incluír información sobre os grupos de traballo e liñas de investigación de Galicia nos que hai presenza feminina.

Con todo, o director xeral de Investigación, Salustiano Mato, admitiu que os datos actuais proporcionan unha visión "parcial" da situación da muller na ciencia porque non incorpora grupos de investigación doutras áreas como a dos centros tecnolóxicos.

Por iso, anunciou a creación dun catálogo oficial da Xunta no que se recollerán todas as actividades profesionais integradas no apartado de I+D e ao que se engadirán estatísticas cos perfís de todos os investigadores e investigadoras galegos.

De tódolos xeitos, Adán destacou que o portal constitúe un modo de cambiar a imaxe social de que 'investigación e ciencia' están directamente relacionadas co mundo masculino. "O espazo de coñecemento e da investigación estivo moi vetado á muller, cheo de estereotipos masculinos", lamentou.

CONTIDOS.

En canto aos contidos, o portal --www.mullereciencia.org-- inclúe unha lista dos diferentes proxectos que se están a desenvolver na actualidade e que contan con presenza feminina, tanto como responsables de proxectos como membros no equipo do equipo.

A web ofrece ademais datos estatísticos do número de mulleres e homes traballando en actividades relacionadas coa ciencia e innovación nas entidades e empresas galegas. A este respecto, a coordinadora da web, Delia Leis, pusó en valor que permite emprender políticas reais para fomentar a incorporación da muller á investigación pública e privada.

O portal complétase con arquivos e documentación completos e "actualizados" sobre eventos e seminarios relacionados coa ciencia e a muller. Inclúe información sobre premios, bolsas, axudas e convocatorias á investigación para o colectivo feminino.

PUNTO DE ENCONTRO.

Así mesmo, Carme Adán e Salustiano Mato revelaron que o portal supón un "punto de encontro" entre as mulleres investigadoras no mundo académico --universidades-- e as do ámbito privado --empresas-- a servir de canle entre científicas e empresarias galegas.

En canto á captación de novas científicas e tecnólogas ao campo da investigación en Galicia, Mato recoñeceu que este portal constitúe un instrumento que axudará a esta finalidade.