UVIÉU, 28 Abr. (EUROPA PRESS) -
El conceyal de Cultura de Corvera, Jorge Suárez, presentó esti xueves na Casa de la Llingua una edición nueva del mapa toponímicu del conceyu, del que fixeron una primer tirada impresa que va repartise hasta fin d'existencies nos distintos centros municipales.
Trátase d'un mapa políticu que recueye los topónimos oficiales del conceyu de Corvera, establecíos nel decretu d'Oficialización Toponímica publicáu nel BOPA del 27 de febreru del 2007.
El mapa tuvo una primer edición del 2012, daquella subvencionáu pol Principáu, pero ésta ye una edición revisada, corrixida y meyorada fecha col presupuestu de nuestra Oficina de la Llingua.
L'Ayuntamientu de Corvera fixo una primer tirada impresa de 1.000 exemplares, a tou color, en formatu 48X68. Amás d'estos exemplares en papel que van ponese gratuitamente a disposición de la ciudadanía, el Conceyu va difundir el mapa toponímicu del conceyu n'otros formatos pa que tea presente nos principales edificios municipales.
Andalucía
