UVIÉU, 7 May. (EUROPA PRESS) -
La dirección del SOMA-FITAG mostró esti martes el so apoyu a la oficialidá del asturianu y del gallego-asturianu y recordó que la so aprobación va suponer el desarrollu d'industries nueves la xeneración d'empléu d'alta cualificación.
Nesi sentíu, al traviés de nota de prensa indicaron que nel restu de comunidaes, la oficialidá tuvo'l so impactu n'ámbitos como les tecnoloxíes nueves, los medios de comunicación, el turismu o la industria editorial y discográfica.
"Los exemplos d'otres comunidaes autónomes y de rexones europees dan cuenta del resultáu de rellacionar la inversión na cultura propia y el desarrollu económicu nos sectores mentaos", afirmaron, pa recordar que la oficialidá ye una muestra "de la práctica de la tolerancia intercultural que demanden les instituciones europees
"Dende'l SOMA-FITAG queremos apoyar los esfuercios de los partíos parllamentarios que sienten Asturies y que valoren la so llingua y cultura pa que, escaeciendo de la intolerancia y el dogmatismu de dalgunos, faigan posible que, finalmente, la Constitución Española, pueda facese plenamente efectiva na nuestra comunidá nel planu cultural", sentenciaron.
Andalucía
