UXT reitera la necesidá de recuperar l'ambulancia nel Aeropuertu d’Asturies

   UVIÉU, 18 Feb. (EUROPA PRESS) -

   UXT insiste na necesidá de recuperar l'ambulancia nel Aeropuertu d'Asturies. Según el sindicatu, nun solo los datos respuenden por la so esixencia, sinon que amás, el Xulgáu d'Avilés, a finales de xineru, dio-yos la razón y ordenó a Aena reponer l'ambulancia de soporte vital básicu nel aeródromu asturianu.

   Dende esa fecha, ficiéronse un total de seis intervenciones de les que cinco son de soporte vital básicu y una de UVI móvil. El Sindicatu Profesional de Tresporte Sanitariu d'UXT Servicios Públicos Asturies considera qu'estos datos son otru aval más a la necesidá real de que vuelva esti serviciu esencial al Aeropuertu d'Asturies.

   A estos datos oxetivos d'intervenciones dende finales de xineru, súmense los 10 puestos de trabayu que trai la presencia de l'ambulancia nel aeropuertu asturianu y polos qu'UXT va siguir lluchando.

   D'igual forma la organziación sindical aportuna nel incumplimientu del conveniu colectivu del personal de AENA, según el cual tienen de tener ambulancies nes instalaciones del Aeropuertu d'Asturies p'atender a los trabayadores d'AENA.

   El Sindicatu Profesional de Tresporte Sanitariu d'UXT Servicios Públicos Asturies espera y deseya que tol percorríu xudicial que ta trayendo esta decisión d'AENA remate una vegada más, dando la razón a UXT y devolviendo l'ambulancia de soporte vital básicu al Aeropuertu d'Asturies, conclúi.