BILBO, 12 May. (EUROPA PRESS) -
Euskalmet euskal meteorologia agentziaren iragarpenaren arabera, astelehenean, maiatzaren 13an, arratsaldeak aurrera egin ahala, fronte bat iritsiko da eta euria erruz egingo du. Frontea mendebaldetik ekialdera mugituko da, eta, beraz, Nafarroako zenbait zonaldeetan ia gaualdera arte ateri eutsiko dio. Baliteke ekaitzak jotzea eta zaparradak mardulak izango dira, batez ere Kantauri isurialdean.
Frontea iritsi arte, ordea, haizeak hegoaldetik joko du, tenperatura maximoak 24-27 gradu artean geldituko dira eta eguzki tarteak izango ditugu. Alabaina, arratsaldeak aurrera egin ahala, haizea ipar-mendebaldera aldatuko da eta indartu egingo da, zerua lainotuz joango da, freskatu eta euritara joko du.
Hiriburuetan, Baionan 11 gradu espero dira gutxienez eta 26 gehienez, Bilbon 12 gutxienez eta 25 gehienez, Donostian 11 gutxienez eta 25 gehienez, Gasteizen 8 gutxienez eta 22 gehienez, eta Iruñean 11 gutxienez eta 25 gehienez.
Itsasoan hego-osagaiko haizea ibiliko da 3ko indarrarekin, goizean 4ko tarteekin, egunaren erdiko orduetan ipar-mendebaldera aldatuko da, 4-5ekoarekin, eta aldaketa mendebaldetik ekialdera hedatuko da, 4-5ekoarekin eta 6ko tarte batzuekin; itsaso kizkurra eragingo du, eta arratsaldean itsaskia edo itsaski handiko guneekin.
Ipar-mendebaldeko hondoko itsasoak 0,5-1 metro arteko olatuak altxatuko ditu eta goizean metro batera igoko dira. Itsasgorak 09:13an eta 21:29an izango dira, eta itsasbehereak 03:00etan eta 15:10ean. Uraren tenperatura 14 gradukoa da eta ikuspena lau eta hamar kilometro artekoa izango da.
Andalucía
