DONOSTIA 20 Jun. (EUROPA PRESS) -
Eusko Jaurlaritzaren Mugikortasun Jasangarriaren Sailaren mendeko Euskotren sozietate publikoak gaueko trenen zerbitzua indartuko du Irungo eta Eibarko jaiek eragingo dituzten joan-etorriak errazteko.
Euskotrenek jakinarazi duenez, Eibarko sanjuanetarako garraio publikoaren alternatiba eskaintze aldera, tren bereziak egongo dira Eibar-Ermua tartean ostiraleko, larunbateko eta datorren asteleheneko gauetan. Larunbatetik iganderako gauean, aldiz, zerbitzu bereziak osatu egingo du Deba eta Matiko arteko ohiko gaueko zerbitzua.
Irungo jaiei dagokienez, larunbatetik iganderako eta ekainaren 28tik 29rako gauetan orduan behin ibiliko dira trenak E2 Lasarte-Oria-Hendaia eta E5 Altza-Amara/Donostia lineetan. Gainera, tren zerbitzu berezia egongo da datorren astelehenean, Gatiburen kontzertua dela eta.
Euskotrenek trenez bidaiatuko diren pertsonei gomendatu die ordutegiak aldez aurretik kontsultatzeko app ofizialean www.euskotren.eus webguneko bilatzailean, Euskotreneko langileak dituzten geltokietan eta 944 333 333 telefono zenbakian.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
