Gizarte Segurantzak 1.022.439 afiliatu ditu EAEn, martxoan 4.541 gehiago zenbatetsi ondoren

Archivo - Langile bat
VIUDA DE SAINZ - Archivo
Europa Press País Vasco
Actualizado: miércoles, 2 abril 2025 9:48
Seguir en

BILBO, 2 (EUROPA PRESS)

Gizarte Segurantzako 1.022.439 afiliatu daude Euskal Autonomia Erkidegoan (EAE) martxoa bukatu ondoren, hau da, aurreko hilean baino 4.541 gehiago (+%0,45) eta duela urtebete baino 10.311 gehiago (+%1,02), Espainiako Gobernuak emandako datuen arabera.

Lurraldeka, Araban 167.997 langile daude Gizate Segurantzara afiliatuta, otsailean baino 72 gehiago (+%0,04) eta 2024ko martxoan baino 1.551 gehiago (+%0,93); Bizkaian 514.907 afiliatu daude, aurreko hilean baino 2.619 gehiago (+%0,51) eta 2024an baino 6.614 gehiago (+%1,30); Gizarte Segurantzak 339.554 afiliatu ditu Gipuzkoan, otsailean baino 1.850 gehiago (+%0,55) eta iaz baino 2.145 gehiago (+%0,64).

Gizarte Segurantzaren erregimen orokorrean kotizatzen duten 852.035 langile zenbatetsi dira martxoan EAEn, eta horietatik 26.948 etxeko langileak eta 1.774 nekazaritza langileak dira. Gainera, autonomoen erregistroan 166.498 pertsona daude, eta 3.905 itsasoko langileenean.

Azkenik, martxoa bukatuta, 1.062 langile daude aldi baterako enplegu erregulazio egoeran, aurreko hilean baino 142 gehiago, eta horietatik 782 gizonezkoak eta 280 emakumezkoak dira.

Contenido patrocinado