SANTIAGO DE COMPOSTELA, 26 Ene. (EUROPA PRESS) -
O paro baixou en 3.700 persoas en Galicia en 2022, o que supón unha caída do 2,73% respecto de 2021, mentres que o emprego creceu en 13.200 postos de trabjo (+1,21%), segundo datos da Enquisa de Poboación Activa (EPA) publicada este xoves polo Instituto Nacional de Estatística (INE), recollidos por Europa Press.
Desta maneira, o paro baixou unha décima máis na Comunidade que na media do total de España, onde esta cifra diminuíu un 2,6%, até 79.900 desocupados menos, coa creación de 278.900 empregos, un 1,4% máis.
Así, o total de ocupados galegos ascendeu a 1,1 millóns de persoas, 9.200 menos que no trimestre anterior, caendo un 0,83% respecto da enquisa de setembro.
Pola súa banda, o número de parados galegos a finais de ano quedou nas 131.400 persoas, 3.500 menos que en setembro, baixando un 2,58%.
Con este descenso, Galicia situouse entre as tres comundiades autónomas onde máis caeu o paro de forma trimestral, só superada por Canarias (-35.200 persoas) e Murcia (-11.700 persoas).
Estes datos supoñen que a taxa de paro galega pechou o ano no 10,63%, dous puntos menos que a media nacional (12,87%), sendo Galicia a sétima comunidade con menos desemprego. Por sexos, a taxa de paro masculina é do 9,81%, mentres que a feminina é do 11,49%.
DATOS NACIONAIS
O paro baixou en 79.900 persoas en 2022, o que supón un 2,6% menos que en 2021, mentres o emprego creceu en 278.900 postos de traballo (+1,4%), sempre segundo datos do INE.
Ambas as cifras son mellores que as de 2020, ano no que o estalido da pandemia levou aos peores rexistros de paro e ocupación desde 2012, pero están moi afastados dos de 2021, cando se xeraron 840.700 empregos e o paro diminuíu en máis de 600.000 persoas.
Exceptuando 2020, o ano do Covid, o incremento da ocupación rexistrado en 2022 é o peor dato desde 2013, ano no que se destruíron 204.200 empregos. No caso do paro, sen contar con 2020, o descenso de 2022 sería o peor rexistro desde 2012, cando o desemprego aumentou en máis de 700.000 persoas.
Co retroceso de 2022, o paro acumula dous anos consecutivos de retrocesos. No caso da ocupación, encadéanse dous anos de crecemento do emprego após un 2020 no que se destruíron 622.000 postos de traballo.
A taxa de paro situouse ao finalizar 2022 no 12,87%, porcentaxe catro décimas inferior ao de 2021, mentres o número total de desempregados pechou o exercicio por encima dos 3 millóns despois de baixar desa cifra no terceiro trimestre de 2022.
En concreto, o ano finalizou con 3.024.000 desempregados, en tanto que o número de ocupados situouse en 20.463.900, a cifra máis alta nun peche de ano desde 2007.
A estas cifras chegouse despois de que no cuarto trimestre de 2022 o paro experimentase unha subida de 43.800 persoas (+1,47%) e a ocupación diminuíse en 81.900 persoas (-0,4%).
Andalucía
