SANTIAGO DE COMPOSTELA, 28 Abr. (EUROPA PRESS) -
A vivenda tutelada de Cogami no municipio pontevedrés de Mos contará con cinco novas prazas públicas financiadas pola Administración autonómica.
Así o anunciou a conselleira de Política Social e Igualdade, Fabiola García, durante a visita ao centro, onde estivo acompañada pola rexedora de Mos, Nidia Arévalo.
Alí, segundo recolle un comunicado da Xunta, avanzou que Política Social destinará 62.600 euros para crear cinco novas prazas de atención residencial na residencia de Cogami.
A conselleira subliñou que a atención á discapcidad é "unha das principais prioridades" do departamento que dirixe, ao que destina este ano máis de 170 millóns de euros.
