SANTIAGO DE COMPOSTELA, 11 Oct. (EUROPA PRESS) -
O Consello da Xunta deu luz verde ao teito de gasto non financeiro para 2024, con 13.257 millóns de euros, 637 millóns máis que en 2023 (+5%), o que supón o maior da súa historia.
En rolda de prensa após o Consello, o presidente da Xunta, Alfonso Rueda, sinalou que esta cifra se consegue en función dunha estimación "prudente" e "realista", xa que se queixa de que se fai sen coñecer as entregas a conta do Estado nin o límite de déficit. Censura que non teñen estes datos "curiosamente" cando se está "negociando" e "comprometendo" con outras comunidades e partidos doutros territorios, en alusión a Cataluña.
Pola súa banda, a Xunta actualiza a previsión de crecemento do PIB para este ano, que sobe ao 1,8% --unha décima máis sobre o inicialmente estimado nos orzamentos para este ano--. Prevé un avance da economía galega do 1,9% en 2024.
No tocante ao emprego, estímase que a taxa de paro será do 9,8% ao peche deste ano, cun descenso ao 9,4% en 2024.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
