O Cetur analizará os días 20 e 22 nun curso en Lugo os principais indicadores do márketing turístico

Europa Press Galicia
Actualizado: lunes, 13 febrero 2006 18:50

SANTIAGO DE COMPOSTELA 13 Feb. (EUROPA PRESS) -

O Centro de Estudos e Investigacións Turísticas da Universidade de Santiago (Cetur) organiza entre os vindeiros días 20 e 22 o curso 'Márketing turístico' que se vai celebrar na Vicerreitoría de Coodinación do Campus de Lugo.

A través de cinco relatorios e unha mesa redonda, nas distintas sesións programadas analizarase o márketing de destinos urbanos, o comportamento actual e tendencias futuras do consumidor do século XXI, A Coruña como destino turístico, o potencial publicitario de Internet no marco do turismo urbano, o impacto das declaracións de Patrimonio da Humanidade no desenvolvemento turístico das cidades ou o impulso de Lugo como destino turístico de éxito.

As distintas intervencións previstas correrán a cargo de especialistas e investigadores universitarios da USC, así como de representantes de entidades locais e provinciais encargadas da promoción turística nos seus respectivos ámbitos xeográficos de actuación.

O encontro sobre márketing turístico desenvolverase en horario de tarde de 16.30 a 18.00 horas e de 18.30 a 20.00 horas.

Contenido patrocinado