A directora do Instituto Peruano de Educación en Dereitos Humanos pecha hoxe a Cátedra Inditex da Universidade da Coruña

Europa Press Galicia
Actualizado: jueves, 19 enero 2006 10:51
Seguir en

A CORUÑA 19 Ene. (EUROPA PRESS) -

A directora do Instituto Peruano de Educación en Dereitos Humanos, Rosa Mújica, pronunciará hoxe, no salón de Graos da Facultade de Ciencias Económicas e Empresariais da Coruña, a última das conferencias da Cátedra Inditex da Universidade coruñesa.

Mújica, que pronunciará a conferencia ás 18.00 horas, é licenciada en Educación, Filosofía, Psicología e Ciencias Sociais e directora do Instituto Peruano de Educación en Dereitos Humanos e a Paz, institución creada en 1985 como resposta á situación de violencia e pobreza que vivía Perú.

É tamén secretaria executiva da Coordinadora Nacional de Dereitos Humanos de Perú e Coordinadora da Rede Latinoamericana Paz e Dereitos Humanos do Consello de Educación de Adultos para América Latina e membro do Foro Educativo. A conferencia estará aberta ao público en xeral.

Contenido patrocinado