A CORUÑA, 8 Mar. (EUROPA PRESS) -
Arquitectos, representantes da Administración e persoeiros da cultura analizarán mañá na Escola Superior de Arquitectura (ETSA) da Coruña o proxecto da Cidade da Cultura. Este observatorio titulado "A Cidade da Cultura en cuestión" terá lugar no salón de actos deste centro universitario.
Entre as 12.00 e as 14.00 horas, o director da ETSA, Xosé Manuel Casabella; o escritor Lino Braxe; o arquitecto Alfredo Díaz Grande; os profesores de Arquitectura Pedro de Llano e Iago Seara, e un representante da Consellería de Cultura analizarán os aspectos culturais desta obra.
Na xornada da tarde, de 17.00 a 19.00 horas, someterase a exame o proxecto arquitectónico, para o que se contará coa presencia de Susan Hemingway, da oficina do arquitecto Einsenman; o director do proxecto execución, Andrés Perea; José González Cebrián, xurado do concurso; e o decano do Colexio de Arquitectos de Galicia, Celestino Braña.
