Innova.- Tres iniciativas empresarias de alumnos de FP, gañadores dos premios de 'Cooperación no Ensino'

SANTIAGO DE COMPOSTELA, 19 Jun. (EUROPA PRESS) -

Tres iniciativas empresarias innovadoras de estudiantes de Formación Profesional (FP) de Lugo, Vila de Cruces e Ribeira acaban de ser distinguidas cos premios de "Cooperación no Ensino", que acaba de fallar o Consello Galego de Cooperativas (COGACO).

Segundo informou hoxe a entidade convocante, o premio ao mellor proxecto empresarial cooperativo 2006 de FP recaeu na proposta de cinco alumnos do ciclo superior de Mantemento e Montaxe de Instalacións de Edificio e Proceso, do IES As Mercedes de Lugo.

O galardón, que comprende unha achega de 3.000 euros e unha viaxe para visitar experiencias cooperativas, distingue a viabilidade da proposta de creación dunha cooperativa de traballo asociado: "Solución Sociedade Cooperativa Galega". Esta ofrece nunha soa empresa un servizo integral en traballos de electricidade, climatización, calefacción, enerxía solar térmica, gas, fontanería, albanelería e pintura.

Na modalidade de FP, o COGACO distinguiu ademais con dous accésit, de 1.000 euros en metálico e 300 euros para libros, a outras dúas iniciativas empresarias cooperativas: Arcometal e Gardería Picariños.

O traballo de "Arcometal Sociedade Cooperativa Galega" foi presentado por seis estudantes de ciclo medio de Soldadura e Caldeirería do IES Marcos do Camballón, de Vila de Cruces (Pontevedra). No proxecto desenvolven a estratexia de constitución dunha empresa cunha actividade principal de reparación e mantemento de maquinaria e compoñentes agrícola-industrial.

O outro proxecto finalista distinguido cun accésit é para tres estudiantes de segundo ano do ciclo superior de Administración e Finanzas do IES Leliadoura de Ribeira. A proposta "Gardería Picariños, Sociedade Cooperativa Galega" é distinguida polo COGAGO en base ao valor engadido da súa ampla oferta de servizos innovadores e amplitude de horarios.

OUTRAS MODALIDADES

Asi mesmo, coa intención de fomentar o cooperativismo entre os máis pequenos, os Premios Cooperativos 2006 fallou as outras dúas modalidades dirixidas aos centros de educación primaria e secundaria de Galicia. Na modalidade de debuxo, pintura ou vídeo, dirixidas a centros educativos de Primaria, o primeiro premio nas tres distintas categorías de idade se concentraron nos alumnos do C.E.I.P. Domaio de Moaña, (Pontevedra), que gañaron en todas elas.

Os accésit nas distintas categorías repartíronse entre escolares do CEIP Mestre Pastor Barral de Melide, o C.E.P Monteporreiro de Pontevedra e os alumnos de quinto curso do CEIP Irmáns Villar de Pena Trevinca (Ourense). O Consello Galego entregaralles materiais de debuxo, pintura, audiovisual ou informático por valor de 1.500 euros aos gañadores, e por valor de 500 euros aos accésit.

Finalmente, na modalidade de actividades cooperativizadas dirixidas a alumnos de secundaria, os premios foron para as experiencias desenvolvidas polos alumnos do 1º curso do 1º ciclo da ESO do C.P.R. Andaina de A Zapateira (A Coruña), polo proxecto xornalístico "A Voz D'andaina" e para os alumnos do C.P.I. Luis Diaz Moreno de Barralla (Lugo) de 2º ciclo de secundaria pola iniciativa organizativa dun "festival benéfico de fin de curso". As iniciativas gañadoras recibirá 1.500 euros cada un.

A entrega destes premios farase no marco do Día do Cooperativismo que se celebra por primeira vez o 1 de xullo, facendo que a data coincida coa celebración do Día Internacional dedicado ás cooperativas.

O Consello Galego de Cooperativas acordou este ano darlle unha nova dimensión e contido aos actos de celebración, procurando un maior protagonismo dos cooperativistas e das cooperativas e alternando o necesario carácter institucional da data con actividades lúdicas, co obxecto de promover a convivencia, a intercooperación e o enxalzamento dos valores cooperativos.