SANTIAGO DE COMPOSTELA, 17 Ene. (EUROPA PRESS) -
O reitor da Universidade de Santiago (USC), Senén Barro, integra o comité científico da Fundación para el Progreso del Soft Computing que se presenta hoxe en Oviedo (Asturias), e no que participan dez recoñecidos científicos de diversos países.
Así, Senén Barro asistirá hoxe en Oviedo á presentación da Fundación para el Progreso del Soft Computing da que forma parte do comité científico que preside o enxeñeiro norteamericano de orixe iraní Lotfi Zadeh. O evento terá lugar ás 12.00 horas no Salón de Actos do Centro Cultural Cajastur en Oviedo.
Barro é membro do comité científico desta fundación que, formado por dez investigadores e personalidades internacionais do mundo científico, preside o profesor emérito da universidade estadounidense Berkeley e creador da lóxica fuzzy, Lotfi Zadeh, e que ten por finalidade a creación e desenvolvemento do futuro centro de intelixencia artificial que se abrirá no campus universitario de Mieres (Asturias).
A fundación disporá, para cumprir os seus obxectivos e crear o European Center Soft Computing, de 13,2 millones de euros nos vindeiros seis anos, aportados por Cajastur, o Instituto para la Reestructuración de la Minería del Carbón e o Principado de Asturias.
O Centro adicarase á investigación desta rama específica da intelixencia artificial, tendo como obxectivos a creación de grupos de investigadores en Asturias e o desenvolvemento de proxectos e liñas de investigación de novas tecnoloxías e de innovación. En conxunto, o centro disporá de máis de 30 investigadores de primeiro nivel.
O Soft Computing, pese a ser unha rama científica nova, ten unha contrastada solidez, reflectida na súa aportación ao desenvolvemento de novos produtos, en concreto máis de 5.000 patentes en Estados Unidos e outras 1.200 en Xapón. Deste xeito, o proxecto asturiano conta co apoio e liderazgo das máximas autoridades investigadoras mundiais.
