UVIÉU, 29 de Xunetu (EUROPA PRESS)
A primer hora de la mañana d'esti miércoles siguen activos 14 quemes forestales nos conceyos d'Ayande, Cangas y Tinéu onde, dende ayeri tarde, permanez activáu en situación 1, el Plan d'Incendios Forestales del Principáu d'Asturies (Infopa).
Según informó'l SEPA, ta activa la quema de Sorribas (Armayánn/Berzana), en dellos frentes. Nel llugar, onde s'instaló'l Puestu de Mandu Avanzáu, trabayaron mientres tola nueche dos pelotones de la UME (48 efectivos), 13 efectivos de Bomberos del SEPA, una empresa forestal (4 efectivos), 4 Axentes del Mediu Natural, Guardia Civil (20 axentes) y Policía Llocal (3 axentes). Dende ayeri tarde nel recintu ferial de Tinéu constituyóse'l Puestu de Mandu Avanzáu. Al so frente ta'l Xefe Supervisor de Bomberos del SEPA.
En L.laneces de la Barca trabayen cinco efectivos; el mesmu númberu qu'en El Matu. Los de La L.leirosa, Buspaulín, La Silva, Santolaya tán pendientes de revisar a primer hora de la mañana. Tán estabilizaos.
Nel conceyu de Cngas del Narcea tán activos les quemes de Santana, con dos frentes y con 17 efectivos trabayando. Los de Combu, Fontes de Corveiru, Castrusín, San Pedru Las Montañas tán estabilizaos y pendientes de revisar.
N'Ayande sigue activu'l fueu de Villalaín/Fonteta nel que trabayen 10 efectivos.
