ROMA, 29 de Marzu (Reuters/EP)
Polo menos 146 inmigrantes provenientes del norte d'África podríen morrer esti miércoles nun naufraxu nel Mediterraneu, según informó la Organización Internacional pa les Migraciones (OIM), qu'indicó que la fragata española 'Canaries' rescató a un gambianu de 16 años que podría ser l'únicu sobreviviente.
"Taba bien cansáu cuando lo alcontraron", aseguró'l voceru de la OIM en Roma, Flavio di Giacomo. Los equipos de rescate, que señalaron que l'adolescente alcontrábase garráu a unos restos d'embarcaciones cuando lu descubrieron y foi lu treslladó la Guardia Costera italiana a la isla de Lampedusa.
"El mozu dixo que partió va dellos díes dende Sabratha, en Libia, a bordu d'una embarcación de goma con otros 146 subsaharianos, ente los que taben cinco neños y delles muyeres embaranzaes", señaló Di Giacomo.
Mientres los últimos dos díes, los equipos de rescate toparon a más de 1.100 inmigrantes que trataben de travesar el Mediterraneu y recuperaron un cuerpu, según informaron les autoridaes. Mientres el 2017, cerca de 600 inmigrantes morrieron nun intentu por llegar a Italia dende'l norte d'África.
La OIM, qu'estima que nel 2016 morrieron nel Mediterraneu central 4.600 persones, alertó que'l númberu d'inmigrantes que lleguen a les costes italianes aumentó un 50 por cientu no que va d'añu en relación col mesmu periodu del 2016.
