MADRID, 19 Jul. (EUROPA PRESS) -
Les asociaciones antifranquistes Foro Social de la Sierra de Guadarrama, Foro por la Memoria de la Comunidad de Madrid y Asociación de Presos y Represaliados de la Dictadura Franquista La Comuna van concentrase esti sábadu énte la entrada del Valle de los Caídos a partir de les 11.00 hores.
Según esplicó a Europa Press la portavoz de les asociaciones, Lizeth Valivos, "nun se pue permitir que lo qu'asocedió esta fin de selmana" en referencia a la pelegrinación de miles de persones al Valle de los Caídos pa mostrar el so desalcuerdu cola propuesta del Gobiernu nacional de desaterrar los restos de Franco del mausoléu.
Ente los oxetivos de la manifestación tamién ta "esixir non namás el treslláu de los restos de Franco, sinón tamién los de Primo de Rivera". Amás, va facese un llamamientu "a la desacralización de la Basílica, la retirada de la cruz y la conversión del espaciu mentáu nun Memorial antifascista".
Nesta llinia, les asociaciones van pidir al Gobiernu nacional que "facilite'l encausamientu de los torturadores franquistes y la retirada de medayes, condecoraciones y otros privilexos de los que sían beneficiarios".
