UVIÉU, 21 de Payares (EUROPA PRESS)
L'ex diputáu na Xunta Xeneral del Principáu d'Asturies y ex secretariu xeneral de la Federación Estatal de Mineros de la UXT, Antón Saavedra, recordó tres la sentencia condenatoria de Mina la Camocha, que llevaba años denunciando estos casos na Fiscalía y aportando datos, dalgunos d'estos hasta facilitaos pol actual presidente rexonal, Javier Fernández.
Según Saavedra, foi Fernández el que-y dixo qu'había "muncha corrupción" y que si nun lo denunciaben yera porque a ellos nun-yos facíen casu en Madrid y a él -por Saavedra-- teníen mieu. Saavedra añadió que nesos díes a Fernández nomáronlu director xeneral de Mines y Víctor Manuel Zapico conseyeru d'Industria. "A partir d'ehí, el que tien que falar ye él y non yo", dixo por Fernández.
Calificó de "exemplar" la sentencia de Mina La Camocha que condena a nueve años de prisión y al pagu de multes por valor de más de 16 millones d'euros a caún de los cinco acusaos pol fraude de sovenciones, anque calcó en que se desconoz el total del dineru robao. "La Xusticia ta pa encarcelar a los lladrones y que devuelvan lo que robaron", añadió.
Saavedra remarcó, amás, que por culpa d'estos fechos zarró Mina La Camocha, na que llegaron a trabayar 2.000 mineros, lo que fai qu'esta sentencia fáiga-y sentise "feliz y triste al empar". Y anque llamentó que la Xusticia tardara diez años y actúe "como una tortúa paralítica", destacó que tovía haya xueces, como la d'esti casu, "que nos fai creer na Xusticia", destacó.
