UVIÉU, 23 Mar. (EUROPA PRESS) -
La Xunta Xeneral del Principáu d'Asturies (XXPA) aprobó na sesión plenaria d'esti vienres la llei nueva de los Asturianos nel Esterior y de la Reconocencia de la Ciudadanía. Foi aprobada colos votos de tolos grupos con representación na Cámara.
La norma, depués de ser tramitada en comisión, foi presentada pol conseyeru de Presidencia y Participación Ciudadana, el socialista Guillermo Martínez, que dixo que la llei nueva "reflexa fielmente los tresformaciones sociales y económiques de les últimes trés décades", amás de contemplar realidaes como la vuelta al llar y la emigración nueva.
Estimó Martínez el trabayu del restu de grupos políticos pa sacar alantre la llei, que calificó d'éxitu colectivu" y con una ellaboración toes cedieron y ufrieron p'arriquecer y ameyorar l'articuláu d'esti marcu llegal".
Esplicó que la llei caltién y impulsa los derechos de les comunidaes asturianes y asegura la so asistencia sanitaria mentes los periodos d'estancia n'Asturies. Afecta a cerca de 140.000 asturianos que viven nel esterior y persones retornaes, y al centenar de centros asturianos, cases d'Asturies y asociaciones con reconocencia d'asturianía nos cinco continentes.
