MADRID, 26 de Xunetu (EUROPA PRESS)
Polo menos 17 persones morrieron y más de 40 siguen atrapaes tres l'esbarrumbe d'un edificiu de cuatro pisos en Ghatkopar, un suburbiu nel este de Bombái, según informó la prensa llocal citando tanto a la Policía de la ciudá como al Cuerpu de Bomberos, que sigue al mandu de los llabores de rescate na zona.
"Catorce camiones de bomberos, dos camiones de rescate y ocho ambulancies desplazáronse rápido al llugar y les operaciones de rescate tán llevándose a cabu nel edificiu Saidarshan", dixo'l xefe de la Brigada de Bomberes de Bombái, Prabhat Rahangdale.
"L'edificiu nun taba consideráu como una vivienda en situación de riesgu. Vamos investigar lo qu'asocedió pa provocar l'alteración de la estructura", indicó l'alcalde de Bombái, Vishwanath Mahadeshwar.
Rahangdale informó de que'l Cuerpu de Bomberos recibió l'alerta a les 10.43 (horal llocal) y esplicó que tol edificiu esbarrumbó. "Barrúntase que tán atrapaes ente 30 y 40 persones y hasta'l momentu rescatóse a 11 persones y envisóseles al hospital de Rajawadi", cercanu a la zona del derrumbe, señaló Rahangdale.
Coles mesmes, el xefe de la Policía informó de que l'edificiu acoyía un llar de mayores que taba remocicándose, y que tenía demasiaos pacientes. Sicasí, amás del asilu, había cuatro families en cada planta.
"L'hospital confirmó que trés persones morrieron", dixo'l ministru de Vivienda de Maharashtra, Prakash Mehta, a los medios llocales. La cuarta finada ye xuna muyer. El so cuerpu apaeció ente los escombros cuando yá nun podía faese nada pola so vida.
Nel 2013, trés edificios esbarrumbáronse en Bombái nun incidente que se saldó con 145 muertos, la mayor cifra de muertos por un derrumbe de los últimos años.
