UVIÉU, 29 de Xunetu (EUROPA PRESS)
La conseyera de Facienda y Sector Públicu, Dolores Carcedo, manifestó esti miércoles que'l Gobiernu asturianu va pidir, xunto con otres ocho comunidaes autónomes, nel Conseyu de Política Fiscal y Financiara, un informe a l'autoridá financiera independiente pa qu'analice y estudie'l repartu ente Gobiernu central y CCAA.
Amás indicó que van demandar mayor marxe de déficit pa tener más capacidá pa facer frente al gastu públicu y serviciu públicu y poner en marcha midíes de puxu económicu.
Nesti sen, destacó que'l Gobiernu asturianu va caltener la so postura y va votar en contra de los oxetivos de déficit al considerar que "los oxetivos que se fixen a les comunidaes son inxustos y restrictivos enforma, y nun respeten la llei d'estabilidá nin la estructura de gastu".
Carcedo, en tomando posesión como conseyera, cargu que repite na nueva llexislatura, indicó qu'existe un informe de l'autoridá competente de responsabilidá fiscal que fala d'oxetivos estremaos pa CCAA y destacó qu'Asturies ta en contra de los mesmos.
"Creo que nun toca falar d'oxetivos estremaos sinón que de lo qu'hai que falar ye xustamente del repartu ente'l Gobiernu central y les CCAA que nun sabemos que criteriu nin metodoloxía utilízase", dixo Carcedo.
