UVIÉU, 17 d'Ochobre (EUROPA PRESS)
Asturies rexistró un total de 634 denuncies presentaes por motivos rellacionaos cola violencia machista mientres el segundu trimestre del 2014, según datos fechos públicos esti vienres pol Observatoriu Contra la Violencia Doméstica y de Xéneru. Nel 36,12% de los casos solicitóse una orde de protección.
Asina, con 11,45 denuncies por cada 10.000 muyeres, la comunidá asturiana ye la octava con mayor ratio de denuncies presentaes. A la cabeza figuren Baleares (21,93), Murcia (18,1) y Comunidá Valenciana (16,6).
Per otra parte, de les 634 denuncies presentaes n'Asturies, un total de 120 (el 18,93%) nun siguieron la tramitación xudicial. Nel casu de les ordes de protección entamaes (229), el 57% resultaron refugaes y un 43% (un total de 99) adoptaes.
