UVIÉU, 26 de Mayu (EUROPA PRESS)
El Principáu d'Asturies sacó a concursu la ruta a Londres condicionada por nuevos vuelos a París, Ámsterdam, Bruxeles y Frankfurt. Nel nuevu concursu la ruta a la capital del Reinu Uníu tien el mesmu pesu que'l refuerzu o abertura de nueves conexones coles otres cuatro ciudaes europees, según informó AeroAsturias.
El pliegu abre la puerta a un bracéu ente'l grupu Iberia y Vueling con Easyjet y Ryanair que taríen en condiciones de presentar ventayoses propuestes que multiplicaríen los destinos internacionales n'Asturies.
El contratu, de dos años de duración prorrogables otros dos, va tener la mesma dotación económica que la reservada hasta agora al contratu con Easyjet na ruta a Londres; 500.000 euros añales pero esixendo conexones europees complementaries.
Les compañíes que tienen de plazu hasta'l 5 de xunetu pa presentar les sos propuestes van ver resueltu'l contratu de magar el 7 de xunetu.
El pliegu de condiciones, diseñáu sobre un total de 100 puntos, otorga la mesma importancia cuantitativa a la conexón con Londres (máximu 30 puntos) qu'a l'abertura de nuevos enllaces colos principales destinos europeos.
