PARÍS, 21 d'Agostu (EUROPA PRESS)
Una camioneta arrolló esti llunes dos paraes d'autobús nel puertu vieyu de la ciudá francesa de Marsella, por razones que tovía nun tán clares, dexando polo menos un muertu y dellos firíos, antes de que la la Policía lu detuviere, acordies cola prensa llocal.
La camioneta, una Renault Master de color blancu, empotróse primero contra una parada d'autobús nel barriu de la Cruz Colorada, na zona norte, y dempués siguió'l so camín hacia La Valentina, unos pocos kilómetros al sur, onde s'estrelló contra una segunda parada.
Fontes policiales citaes pol diariu llocal 'La Provence' aseguraron qu'una muyer de 42 años morrió en La Valentina. Acordies coles mesmes fontes, otra muyer de 29 años resultó firida y habría un segundu mancáu na mesma zona.
Un testigu consultáu pola cadena francesa BFMTV afirmó que se trata d'un actu realizáu arremente porque "el camión tuvo que subise a la mediana pa poder atroopellar a la muyer". "Dempués diose a la fuga", relató.
El conductor resultó deteníu poco dempués al altor del túnel de San Mauricio, que baxa hasta'l puertu vieyu. BMFTV indicó, citando fontes de la investigación, que se trata d'un home de 35 años con antecedentes por delitos comunes y problemes psiquiátricos.
Al sospechosu detuviéronlu gracies a un testigu que, tres el segundu atropellu, pudo ver la matrícula de la camioneta, robada esta mesma mañana.
La Policía Nacional de Francia anunció en Twitter que punxo en marcha un operativu y pidió a los habitantes de Marsella qu'eviten la zona del puertu vieyu.
Pel momentu, desconozse si se trata d'un accidente o d'una acción realizada arremente, magar la Fiscalía esclaró que "nun hai nengún elementu que nos permitia calificar esti actu de terrorista".
