MADRID, 26 de Xunetu (EUROPA PRESS)
Bankia llogró un beneficiu netu atribuyíu de 514 millones d'euros nel primer semestre d'anguaño, lo que supón un 6,7% más que n'igual periodu del 2016, según informó esti miércoles la entidá a la Comisión Nacional del Mercáu de Valores (CNMV).
El bancu atribuyó'l repique del so beneficiu semestral "a la fortaleza" de los ingresos del so negociu tradicional bancariu, xuntu al control de los gastos, les menores provisiones pola baxada de la morosidá y la cayida de los axudicaos.
D'esta manera, destaca Bankia, la rentabilidá sobre fondos propios elévse al 8,6%, frente al 8,2% del primer semestre del 2016.
El conseyeru delegáu de la entidá, José Sevilla, resaltó que la primer metá del añu tuvo caracterizada pol "fuerte" emburrie de l'actividá comercial.
"Concedimos más hipoteques en seis meses qu'en tol 2016; el creitu al consumu crez con fuerza, y lo mesmo pasa cola financiación a pymes", sorrayó.
Pela so parte, el marxe d'intereses de Bankia baxó nun 11,4% nel primer semestre, hasta los 995 millones d'euros, pol menor rindimientu de les carteres de deuda y l'impactu de los baxos tipos d'interés.
Les dotaciones a provisiones realizaes pola entidá na primer metá del añu sumaron 238 millones d'euros y el saldu de morosos baxó en 922 millones d'euros, lo qu'asitió la tasa de morosidá nel 9,1%, siete décimes menos.
