UVIÉU, 29 de Xineru (EUROPA PRESS)
El conseyeru de Sanidá, Faustino Blanco, dexó claro esti xueves que la sentencia que oliga a devolver un total de dos millones d'euros en conceptu de plus salarial a 53 profesores vinculaos qu'empresten los sos servicios nel HUCA diríxese contra la Universidá y non contra'l Gobiernu autonómicu.
En declaraciones a los medios, antes d'asistir a un actu de la ONCE, Blanco respondió nestos términos al anunciu de la Institución académica de que va reclamar al Executivu autonómicu esta cuantía, correspondiente a un complementu mensual d'ente 200 y 400 euros, suspendíu dende primeros del 2014. La Universidá básase en qu'esti plus ta vinculáu colos trabayos que estos profesores empresten nel centru hospitalariu.
Según Blanco, "ye un problema de qué hai que pagar y quién lo ha pagar". "Nun dexemos de pagar", matizó'l conseyeru, qu'añadió que se vieron "coses que nun taben correctamente ordenaes". La sentencia "diríxese a la Universidá y la Universidá tien una responsabilidá", recalcó, dexando claro que ta dispuestu a negociar cola Institución.
