UVIÉU, 20 d'Abril (EUROPA PRESS)
El conseyeru d'Industria y Empléu, Francisco Blanco, manifestó esti xueves nel Plenu que "nun hai nada que tapecer" nel procesu de selección del Director Xerente de la empresa pública Xestión d'Infraestructures Públiques de Telecomunicaciones del Principáu, Gitpa ya indicó que van facilitar el nome de los siete preseleccionaos al PP, anque-y recordó que se trata d'información que ta sometida a la Llei de Protección de Datos.
"Darémos-y los nomes y la puntuación de caún de los preseleccionaos, usté va ver que nada que tapecer anque supongo que cuando lo compruebe nun va venir equí a reconocelo", retrucó Blanco al diputáu del PP, José Agustín Cuervas Mons, qu'aseguró que se trata "d'un procesu pocu llimpiu y que da a pensar a pensar que ta amañáu".
El conseyeru insistió en que'l Gobiernu nun tapez nada en dichu procesu y esplicó que si hasta agora nun-y dieron los nomes de les siete persones preseleccionaes pola empresa ye porque se trata d'información personal y prima'l derechu a la protección de datos. Asina indicó qu'existe un conflictu ente'l derechu de protección de datos y el so derechu como diputáu.
"Vamos da-y esa información sin inconveniente pero ye una información protexida pola llei de protección de datos y allá la so responsabilidá, usté tendrá que velar por esa protección", insistió Francisco Blanco.
Pela so parte Cuervas Mons insistió en conocer los motivos polos que'l conseyeru empeñóse en tapecer información y preguntóse si lo que pretende ye qu'acaben reclamándola nun procesu xudicial. Asina lu acusó de desdexación de les sos funciones y d'inclumplir les mesmes normes del Conseyu de Gobiernu, "daqué "esperpéntico".
"Nun me suelte esa retafila porque eso ye simplemente una golfada que me lleva a pensar que'l procesu ta amañáu", indicó Cuervas Mons qu'acusó a Blanco de "un cinismu sin llendes, de ser un conseyeru poco intelixente y poco creíble no qu'al so compromisu cola tresparencia y bon gobiernu".
