CASTELLÓN, 26 de Payares (EUROPA PRESS)
L'expresidente de la Diputación y del PP de Castellón, Carlos Fabra, recoyó esti miércoles na Audiencia Provincial el mandáu pa executar la sentencia que lu condena a cuatro años de prisión por delitos contra la Facienda Pública nel casu Naranjax.
L'exdirixente 'popular' nun presentó'l recursu de súplica al que tenía derechu, según informaron fontes del Tribunal Superior de Xusticia de la Comunitat Valenciana (TSXCV). Anque podría facelo nos próximos trés díes, comunicó que nun lu presentará, según fontes conocedores del casu, polo que se considera que va ingresar en prisión nel plazu de cinco díes a contar dende esti miércoles.
Coles mesmes, Fabra tampoco comunicó a l'Audiencia nin cuándo nin ónde va executar la sentencia. L'ex dirixente 'popular', que compareció na Ciudá de la Xusticia hacia les 9.10 hores a pesar de que taba citáu a les 11.30 hores, nun quiso realizar declaraciones ante los medios arrexuntaos.
Quince minutos más tarde abandonó l'Audiencia Provincial en recoyendo'l mandáu pa executar la sentencia, arrodiáu de los periodistes, a los que pidió que nun lu molestaren.
Preguntáu por si se sentía traicionáu pol PP, l'expresidente de la Diputación aseguró: "Yo nun soi del Partíu Popular", mientres qu'a la pregunta de si prefería ingresar nuna prisión de Madrid, respondió: "Yo nun prefiero nada. Yo prefiero tar na mio casa".
El que fuera presidente provincial del PP de Castellón aseguró'l pasáu vienres, en conociendo que'l Conseyu de Ministros refugara'l so pidimientu d'indultu, que procedería "con total normalidá" a lo que decidiera'l tribunal sentenciador y que si ésti ordenaba que tenía qu'ingresar en prisión nos próximos díes, fairíalo.
