UVIÉU, 17 Sep. (EUROPA PRESS) -
El presidente de Foro Asturies, Francisco Álvarez-Cascos, aseguró esti miércoles que nun-y "esmolez" que Podemos pueda ganar les elecciones autonómiques n'Asturies. "El lideralgu electoral disputaráse ente PSOE y Foro n'Asturies", defendió.
Asina, en respuesta a entrugues de los periodistes sobre los sondeos qu'asitien al partíu de Pablo Iglesias como la primer fuerza política n'Asturies, Cascos aseguró que, según les encuestes qu'él remana sobre intención de votu, "trabayos sociolóxicos serios", el poder n'Asturies disputaráse ente los socialistes y el so partíu.
Sicasí, reconoció que Podemos "de xuru" que va tener representación nel parlamentu, pero esplicó que, "al igual qu'Alberto Contador esmolecíase por Froome y non pol que diba l'octavu", dende Foro van esmolecese del so "competidor", que ye'l PSOE. Nesti sen aseguró que nel escenariu actual, "la base de partida de Foro ye bien sólida" y sorrayó que les sos aspiraciones de convertise en primer fuerza político son "bien grandes".
