UVIÉU, 29 d'Agostu (EUROPA PRESS)
L'alcalde d'Uviéu, Agustín Iglesias Caunedo, reafirmó esti vienres la so intención de reubicar n'otru edificiu a los miembros del colectivu de La Madreña, que dende'l 2011 y hasta xunetu d'esti añu, ocupaben l'edificiu de la vieya Conseyería de Sanidá n'Uviéu.
"Eses coses nun tienen por qué cambiar", esplicó'l primer edil uvieín, anque señaló que los edificios de los que disponen "son los que son". "Nun podemos inventar nuevos inmuebles", matizó.
L'alcalde realizó estes declaraciones na entrega de 40 viviendes sociales nel Auditoriu Príncipe Felipe d'Uviéu. Ehí, fizo referencia a la decisión de los servicios xurídicos del Conceyu de paralizar mientres diez díes l'autorización de derribu del edificiu, solicitada pola empresa pública propietaria, Sedes.
"Sedes tien derechu a presentar les sos alegaciones y los técnicos municipales van decidir, y la postura de los Grupos Municipales ye conocida", aseguró.
