MADRID, 5 de Febreru (EUROPA PRESS)
Los cinco grandes de la banca --Santander, BBVA, Caja Madrid, 'La Caixa' y Banco Popular-- algamaron un beneficiu netu conxuntu de 15.694 millones d'euros nel 2009, lo que supón un descensu del 10,7% sobre a los 17.581 millones rexistraos nel 2008, según datos de les entidaes recoyíos por Europa Press.
La gran banca sufre nos sos resultaos tanto la delicada situación económica y financiera a escala mundial como los efectos del parón inmobiliariu y del desemplegu n'España, lo que la llevó a engordar de manera voluntaria'l so colchón de provisiones en más de 5.300 millones d'euros.
La crisis nun pasó de llargo peles mayores entidaes d'España, que recortaron los sos beneficios añales en tolos casos --nun siendo'l bancu que preside Emilio Botín--, sacrificándolos pa contar con provisiones bastantes pa enfrentase al añu 2010, que se presenta complicáu, según banqueros, organismos como'l Bancu d'España y analistes.
Nesti marcu, el Santander continúa liderando una vez más la llista de beneficios añales, con 8.943 millones d'euros (+0,7%), non tán lloñe de les ganancies récor del exerciciu 2007, cuando atesoró 9.060 millones d'euros, pero tovía apartáu del oxetivu del 10.000 milones que se llegó marcar pal añu 2008.
El BBVA colocóse segundu por volume de ganancies, con un resultáu atribuyíu de 4.210 millones, lo que significa una baxada del 16%, mientres que popular ganó un 27% menos, 766 millones d'euros, y Caja Madrid baxó les sos ganancies un 68%, y les estableció en 265 millones.
Les cinco grandes entidaes coinciden en preparase pa les dificultaes que puean presentase esti añu con un importante colchón de provisiones, non sólo de les obligatories, sinón tamién de les voluntaries o preventives, que crecieron en 5.333 millones d'euros.
La mayor dotación voluntaria correspuende a Santander (2.587 millones), anque en proporción al beneficiu atribuyíu, destaquen sobre too les que destinaron Caja Madrid (655 millones), y Popular (480 millones). Tanmién ye significativo'l volume de les de BBVA (1.411 millones) y La Caixa (200 millones).
