UVIÉU/XIXÓN, 25 Sep. (EUROPA PRESS) -
El Grupu municipal de Ciudadanos nel Conceyu de Xixón manifestó esti domingu que Carmen Moriyón tendría qu'esclariar si foi como miembru de Foru Asturies o como Alcaldesa de Xixón y en representación del Conceyu, al actu pola oficialidá entamáu pola Xunta pola Defensa de la Llingua, "porque se trató d'un actu eminente políticu pa promover una reforma del Estatutu d'Autonomía que contemple la cooficialidá de la Llingua Asturiana".
Nesti sentíu, Ciudadanos afirma que convíen recordar que'l Plenu del Conceyu de Xixón actual yá se manifestó, en septiembre de 2015, contrariu a modificar l'Estatutu d'Autonomía pa contemplar esta posibilidá, dalgo que namás foi apoyáu polos grupos de Xixón Sí Puede y Izquierda Xunida, y polo tanto l'Alcaldesa tendría de respetar la opinión mayoritaria d'esti Plenu y nun dir a esti actu.
"Cola so presencia tresllada a la opinión pública la sensación de qu'existe un apoyu institucional a esta iniciativa pol Conceyu de Xixón, dalgo que nun ye asina, y que diría en contra de lo alcordao pol Plenu. Otra cuestión ye que fora como representante del so partíu, Foru Asturies, nesi casu nun habría nada qu'oxetar. Tendría qu'esclarialo", afirmó'l potavoz de Ciudadanos Fernández Sarasola.
