LONDRES, 14 Ago. (EUROPA PRESS) -
Un coche estrellóse esti martes contra les barreres que delimitan el Parllamentu británicu en Londres, nun incidente que se saldó con dellos mancaos y qu'obligó a les fuercies de seguridá a cerrar la zona por sefuridá, a la espera de conocer les circunstancies exactes.
L'accidente tuvo llugar a les 7.37 (hora local) y, depués d'él, foi deteníu'l conductor del vehículu, según la primer información espublizada en Twitter por Scotland Yard. Dellos peatones resultaron mancaos, añadió la Policía ensin entrar en más detalles.
La zona del Parllamentu foi escenariu en marzu de 2017 d'un atentáu que se cobró la vida de cinco persones y que foi reivindicáu pol grupu terrorista Estáu Islámicu. El terrorista, Khalid Masood, pilló a decenes de persones enantes de baxase del coche y apuñalar a un policía xunto a la sede parllamentaria.
