BARCELONA, 31 de Xunetu (EUROPA PRESS)
La Comisión d'Asuntos Institucionales del Parlament va votar el 2 de setiembre si pide la comparecencia del expresidente de la Generalitat Jordi Pujol pa que dea esplicaciones sobre les cuentes que la so familia tuvo nel estranxeru mientres más de 30 años, según reconoció él mimsu.
Asina acordóse na Xunta de Voceros Estraordinaria que celebró esti xueves el Parlament a pidimientu de PP y C's pa tratar esti tema, dempués de qu'esti vienres l'expresidente almitiera que la so muyer y fíos regularizaron "nos últimos díes" dineru nel estranxeru procedente d'una herencia del so padre, Florenci Pujol, en 1980.
Tolos grupos de la oposición --incluyíu ERC-- firmaron un pidimientu pa la comparecencia de Pujol ante la Comisión d'Asuntos Institucionales, polo que, si naide cambia d'opinión, el 2 de setiembre va aprobase que l'expresidente dea esplicaciones nuna fecha tovía por determinar.
Cabe recordar que les comparecencies ante una comisión del Parlament son voluntaries, polo que l'expresidente de la Generalitat podría negase a acudir a la Cámara catalana, anque los grupos confíen en qu'esi estremu nun se produza.
