UVIÉU, 31 d'Ochobre (EUROPA PRESS)
Fontes de Salvamentu Marítimo confirmaron que'l cadabre topáu esti vienres flotando al noroeste del Cabu Peñes pertenez al perceberu desapaecíu en Castrillón el pasáu miércoles. Asina-yos lo notificó'l 112.
Alcontraren el cuerpu a les 13.24 hores, flotando al noroeste del Cabu Peñes, según el Centru Rexonal de Coordinación de Salvamentu de Xixón. Una embarcación de Salvamentu Marítimo permaneció nel llugar, custodiando los restos mortales, hasta la llegada de la patrullera de la Guardia Civil, que se fizo cargu del mesmu.
Delles embarcaciones rastrexaben estos díes la zona en busca del perceberu, de 39 años, desapaecíu dende'l miércoles, na zona de la isla de Deva, en Castrillón.
La Sala 112 del Serviciu d'Emerxencies recibiera l'alerta a les 20.02 hores del miércoles. Na llamada, realizada por un familiar, esplicaben que nun sabíen nada del desapaecíu, un home de 39 años d'edá, dende les doce del mediudía, cuando saliera de casa en dirección a la isla de Deva a recoyer percebes.
