UVIÉU, 28 d'Ochobre (EUROPA PRESS)
Los grupos conservacionistes pidieron esplicaciones al Parque Nacional de Picos d'Europa que, al traviés del so actual Director, Mariano Torre Antón, aprobó esti ochobre, una resolución pola que s'autoricen controles de población de llobos nel interior del espaciu protexío. Estos controles van baxar en trés exemplares la población de llobos na zona cántabra del Parque (Tresviso, Cillorigo de Liébana y Camaleño) y na asturiana del conceyu de Cabrales.
A los colectivos ecoloxistes sosprendió-yos esti nuevu control en Picos onde nun se desarrollaron controles de población nos dos últimos años. Según un comunicáu de prensa de los grupos conservacionistas, "los mesmos ganaderos reconocen que los daños baxaron significativamente".
Esta autorización de control poblacional del llobu tien como oxetivos la reducción del escesu actual d'exemplares, la prevención y la reducción de los daños a la ganadería, y evitación de la espansión de la especie a zones declaraes como exentes de la mesma en base a la normativa d'aplicación", pa lo que diz basase nuna serie de datos ya informes técnicos, esplica Alberto Fernández, vocal de los colectivos conservacionistes nel comité consultivu de la xestión del llobu n'Asturies.
Los grupos conservacionistes afirmaron que "puesto que nin los datos nin los informes apaecen na autorización, solicitaron a la Dirección del Parque Nacional que los entregue, de forma que puea valorase si l'autorización ta bien argumentada y motivada".
