UVIÉU, 22 de Xunetu (EUROPA PRESS)
La conseyera de Fomentu, Ordenación del Territoriu y Mediu Ambiente, Belén Fernández, esixó al Ministeriu de Fomentu esti martes que s'emplegue "a xeitu" y que "ponga tola carne nel asador" pa intentar que l'autopista del mar "siga y consolídese".
Al so xuiciu l'autopista tien "perspectives abondo de consolidación" pa que seya una realidá de futuru. Amás, apuntó, "naide entendería que tando dende'l Ministeriu de Fomentu impulsando agora una autopista del mar dende Vigo a Nantes, dexárase cayer la qu'agora mesmo tienen Nantes con Xixón".
Según señaló la conseyera antes d'empezar les xornaes 'Residuos doméstiques y comerciales: Estratexes dende Europa, España y Asturies pal llogru de los oxetivos 2020', entamaes por Coxersa, nesti momentu "nun tenemos nenguna comunicación oficial, nin per parte del Ministeriu nin per parte de la naviera qu'opera la ruta", anque "sí oficiosamente mos llegó información de que la naviera treslladó al Ministeriu de Fomentu la posibilidá de qu'esto pase una vez que nel mes de setiembre acaben les sovenciones".
