KUALA LUMPUR, 22 de Febreru (Reuters/EP)
La Embaxada de Corea'l Norte en Malasia esixó esti miércoles que les trés persones deteníes pola so supuesta relación col asesinatu de Kim Jong Nam, l'hermanastru del líder norcoreanu, Kim Jong Un, queden lliberaos de momentu.
Los deteníos son una muyer vietnamina, otra indonesia y un home norcoreanu y, según dixo nun comunicáu la legación diplomática norcoreana, arrestáronlos "de manera irrazonable", polo qu'esixó la so puesta en llibertá.
Kim Jong Nam, l'hermanastru de Kim Jong Un, morrió'l 13 de febreru pocu dempués de que lu atacaren nel aeropuertu de Kuala Lumpur. La Policía detuvo a les dos muyeres como sospechoses del crime y aseguró que tamién ta buscando al segundu secretariu de la Embaxada y a un trabayador d'Air Koryo, l'aerollínea norcoreana, pola so relación col ataque.
