ÁMSTERDAM, 22 de Xunetu (Reuters/EP)
Los cuerpos de les 298 víctimes mortales de la cayida del avión de Malaysia Airlines el pasáu 17 de xunetu llegaron esti martes a territoriu controláu pol Gobiernu de Kiev a bordu d'un tren con vagones refrixeraos, según informó'l primer ministru holandés, Mark Rutte.
Nun comunicáu, Rutte afirmó que'l tren colos cadabres de les víctimes salió de Donetsk a les 5.00 hores (4.00 hora peninsular española) y que tenía previsto llegar a una zona llendada cerca de Jarkov sobre les 13.00 hores (12.00 hora española).
L'anunciu llega dempués de que los separatistes prorrusos entregaren esti llunes de nueche les dos caxes negres del Boeing 777 de Malaysia Airlines al equipu d'espertos enviáu a la zona poles autoridaes malayes.
