MADRID, 29 de Xunetu (EUROPA PRESS)
Decenes de civiles morireron o resultaron firíos por un ataque con cuchiellos contra una comisaría y oficines del Gobiernu na rexón china de Xinjiang, nel noroeste del país, según un voceru de la Policía que tamién confirmó la muerte a tiros de "decenes" d'asaltantes, informa l'axencia Xinhua.
L'ataque, cometíu per una "banda armada", prodúxose nel condáu de Shache, na prefectura de Kashgar. Anque les autoridaes tovía nun pudieron confirmar el númberu esactu de víctimes, sí informaron de que "decenes de civiles" d'etnies han y güigur sufieron l'ataque.
Amás, "decenes" d'asaltantes morrieron tirotiaos por axentes de la Policía, según la información de l'axencia oficial china, qu'apuntó como primer hipótesis de lo asocedío que se trate d'un ataque "terrorista antemanáu".
