XIXÓN, 26 de Payares (EUROPA PRESS)
Axentes del Cuerpu Nacional de Policía detuvieron esti miércoles en Xixón al delegáu de la Corriente Sindical d'Izquierdes (CSI) nel organismu autónomu Establecimientos Residenciales pa Mayores (ERA), José Nicanor González Gutiérrez, acusáu de montar una barricada de neumáticos mientres una manifestación de trabayadores del ERA frente a la residencia Mista de Pumarín, confirmaron a Europa Press fontes cercanes al sindicalista.
A González arrestáronlu na mañana d'esti miércoles cuando salía de la so casa y quedó en llibertá con cargos sobre'l mediudía. Precisamente hasta la Comisaría acudieron afiliaos del sindicatu pa pidir la so lliberación y apoyar al so compañeru.
La Policía acúsalu d'un delitu de desordes públicos y nos próximos díes van llamalu pa declarar nel Xulgáu. Les mesmes fontes esplicaron que'l día de los fechos, pese a que González tuvo presente na manifestación, la Policía nun procedió a la so identificación y nun-y pudieron pidir la documentación.
