MADRID, 26 de Febreru (EUROPA PRESS)
La Guardia Civil detuvo na población barcelonesa de Sant Cugat del Vallès a Tullio Bianco, alies 'Ginocchia', miembru de la Cla Pagnozzi, una organización criminal italiana rellacionada con diverses clanes de la Camorra, la N'drangheta y la mafia calabresa.
Según informó l'Institutu Armáu, el deteníu dedicábase principalmente al tráficu de drogues, tráficu d'armes, blanquéu de capitales, estorsión y robu, fechos que se cometíen principalmente na ciudá de Roma.
Bianco yera'l responsable de facer xestiones pa entamar el tráficu de drogues, h.axís y cocaína ente Marruecos o Suramérica ya Italia. Yera unu de los principales representantes de la organización n'España y taba y vinculáu de manera directa en delles xuntes calteníes n'Italia con otros miembros de la Camorra. Pasó a disposición de l'Audiencia Nacional a efectos de la so estradición a Italia.
La operación, bautizada 'Tulipán', realizóse conxuntamente colos Carabinieri italianos y desarrolláse nos dos países. Ello ye que n'Italia fueron deteníos 61 miembros de la clan.
Amás, nesi país interviniéronse y bloquiaron 12 llocales comerciales (chigres, restoranes, clubes, concesionarios de vehículos d'alta gama, reloxeríes, tiendes d'alimentación y de mascotes, ente otros), 30 propiedaes inmobiliaries, 222 productos financieros y bancarios, 72 vehículos con un valor estimáu de 766.000 euros y 20 sociedaes mercantiles con acciones qu'algamen un valor bursátil de 2,25 millones d'euros.
Les investigaciones n'España entamaron tres llograr información de les autoridaes italianes sobre la posible presencia d'esta persona n'España. En realizando delles investigaciones en delles provincies, a lo último llocalizáronlu en Sant Cugat del Vallès (Barcelona), onde la Guardia Civil detúvolu nes proximidaes de la so casa.
La detención lleváronla a cabu conxuntamente'l Grupu de Drogues de la Unidá Central Operativa de la Guardia Civil y pola Unidá de Policía Xudicial del mesmu Cuerpu de la Zona de Barcelona.
