UVIÉU, 19 de Xineru (EUROPA PRESS)
La estación invernal de Valgrande-Payares va abrir al públicu esti vienres 20 de xineru, según confirmaron dende la estación. Dempués de dellos díes de nevaes y la fabricación de nieve artificial, la estación súmase a la temporada d'esquí, una selmana dempués de que la otra estación asturiana, Fuentes de Ivierno, anunciara la so apertura.
"Si les condiciones meteorolóxiques lo permiten, vamos abrir les nueses instalaciones el próximu vienres, 20 de xineru. Esti xueves vamos dar una previsión d'abertura, indicando espesures y kilómetros esquiables", señala la dirección na so páxina web.
Va entamar asina la temporada d'esquí, más de mes y mediu dempués de lo que se prevía de primeres. Hasta agora les precipitaciones en forma de nieve y les posteriores agües nun facilitaren l'acumulación de les espesures necesaries p'acondicionar les pistes. Sicasí, les baxes temperatures rexistraes ayudaron a la ellaboración de la nieve artificial estos díes.
