UVIÉU, 17 Nov. (EUROPA PRESS) -
El documental 'Lluz d'agostu en Xixón. Tres los pasos de Nacho Vegas' va estrenase esti sábadu 18 de payares nel marcu del Festival Internacional de Cine de Xixón.
Baxo la producción de les asturianes Señor Paraguas y Algamar Producciones, el documental del asturianu Alejandro Nafría va tres los pasos del cantante y compositor Nacho Vegas a trés díes del conciertu del quintu aniversariu de la PAHD Asturies qu'él mesmu entama.
Al traviés de dellos alcuentros con personaxes de la vida política y cultural de Xixón, analícense los cambios que sufrió la ciudá nes últimes décades. "Nun ye posible esplicar l'artista ensin conocer la ciudá, y nun hai meyor manera de conocer a ésta que siguiendo los pasos d'aquel", señalen dende la productora.
