UVIÉU, 22 de Xunetu (EUROPA PRESS)
La conseyera de Fomentu, Ordenación del Territoriu y Mediu Ambiente, Belén Fernández, aseguró esti martes que'l Plan Estratéxicu de Borrafes del Principáu 2014-2024 (Perpa), que prevé la construcción de la incineradora nes instalaciones de Coxersa, ta "fechu a midida de la comunidá y basáu na llegalidá, la sostenibilidá y la defensa de lo público". Per otra parte destacó qu'Asturies tien "los medios necesarios pa promover el so desarrollu" y p'afalar a los ciudadanos y a los políticos a poner la so "voluntá pa facelo realidá".
Según señaló la conseyera mientres les xornaes 'Residuos domésticos y comerciales: Estratexes dende Europa, España y Asturies pal llogru de los oxetivos 2020', entamaes por Coxersa, Asturies precisa "cooperación, tresformación ya innovación" pa facer frente a los retos a los que s'enfrenta la xestión de residuos nel Principáu. Xunto con estos términos ye necesario falar de "trés principios xenerales colos que construyir esti futuru", añade.
"El principiu de llegalidá pretende cumplir cola llexislación de reciclaxe européu y nacional; en segundu llugar ta'l principiu de sostenibilidá col que va llograse tener un modelu de residuos comprometíu dafechu col cuidáudel nuesa entornu y l'amenorgamientu d'emisiones. A lo último, tenemos el principiu de defensa de lo público, col qu'apostamos por una xestión pública y supramunicipal, consorciada ente Principáu y Conceyos pa defender a Coxersa y trnala nun referente de tratamientu nos recursos", esplicó la Conseyera.
SITUACIÓN N'ASTURIES
La situación del Principáu al respecto de los niveles d'implantación de les 3R (reciclaxe, reutilización y reducción) "ye única o sustancialmente distinta a la d'otros territorios". Coles mesmes, aseguró que "al aprobar el Perpa Asturies procuró facer un plan a la midida d'Asturies, ambiciosu pero algamable, que seya a a emprestar servicios afayadizos y algamadizos de xestión y de recoyida de residuos asturianes".
Al respecto de la situación de Coxersa consideró qu'esti consorciu "ye un vivu exemplu de que les competencies llocales puen exercese meyor dende la unión ordenada de fuerces y recursos". Por ello siempre apostaron por tener "unes instalaciones comunes centralizaes nun mesmu puntu perfectamente comunicaes nuna área de 250 hectárees que pretende ampliase a 400" coles mires de "contribuyir a la ordenación urbanística y al aprovechamientu de la economía d'Estáu", esplica la conseyera añadiendo que "estes instalaciones, qu'acumulen les meyores tecnoloxíes disponibles, tán disponibles pa tolos asturianos".
"Nel Perpa impónense les claves pa la espansión y modernización de Coxersa nel próximu llustru con inversiones que ronden los trescientos millones d'euros. El cambiu va ser tan importante que'l vertideru del Valle de la Zoreda va desapaecer. Nel so llugar va surdir una combinación d'alternatives de tratamientu que buscar reciclar lo máximo posible y valorizar tolo que nun pue recaclase", destaca Belén Fernández .
