UVIÉU, 3 Ago. (EUROPA PRESS) -
El presidente de Foru, Pedro Leal, afirmó qu'Asturies va tar "a la cola d'España" nes cantidaes que'l Gobiernu d'España va asignar a Asturies pal exerciciu 2019 al traviés del Sistema de Financiación Autonómicu.
"La medría p'Asturies va ser d'un 1,48% en comparanza col añu anterior, trés puntos y mediu perbaxo de la media nacional que ta nel 4%. Asturies polo tanto ocupa'l cuartu puestu pola cola detrás d'Aragón, Cantabria y Estremadura", indicó al traviés de nota de prensa.
Una situación qu'al so xuiciu reflexa'l "resultáu nulu" de la xunta ente Pedro Sánchez y Javier Fernández, "confirma qu'esti alcuentru namás foi una mera operación de marketing" que tuvo como resultáu la marxinación y la discriminación p'Asturies".
"Nin Javier Fernández nin Dolores Carcedo foron capaces de defender los nuestros intereses", señaló'l diputáu, qu'afirmó que les cuantíes qu'ufierta'l Gobiernu d'España constitúin "la muestra de que poco importen esta rexón al improvisáu executivu de Pedro Sánchez, énte la indolencia habitual de Javier Fernández".
Asina, indicó que la medría del 1,48% na financiación p'Asturies constitúi un "facer de menos que los asturianos nun podemos consentir", polo que pidió a los ocho diputaos asturianos nel Congresu que reviertan esta situación colos sos votos.
Amás, criticó que la propuesta beneficie a comunidaes como Cataluña pa "trames secesionistes" y que los "alcuerdos billaterales" traduciéronse en dineru.
